«Eurovision Song Contest 2020»: a la tschertga da la contribuziun svizra
Candidaturas vegnan acceptadas tranter il 02.09.2019 ed il 16.09.2019.
La SRG SSR tschertga ina chanzun moderna che correspunda a pretensiuns internaziunalas e che resorta. Il text duai avair in messadi ferm, cler e chapaivel.
Candidaturas ston vegnir inoltradas cun in’audiodatoteca sur la plattafurma uffiziala da la SRG SSR. Las chanzuns na vegnan betg ad esser accessiblas a la publicitad. I pon er vegnir inoltradas chanzuns ch’han anc nagin interpret fix. En quel cas sto dentant stringentamain esser cuntegnida ina vusch da demo per la chanzun.
Proposta per connexs tematics
Tar l’Eurovision Song Contest sa tracti tranter auter er da sdasdar las emoziuns dals aspectaturs e dals giurors cun tschiffar tscherts temas. Nus animain perquai ils cumponists ed ils auturs d’inoltrar er texts che tematiseschan eveniments actuals u che provocheschan cun lur cuntegn ina reaziun emoziunala u in’algordanza tar l’aspectatur da l’ESC. Exempels: Netta da l’Israel ha tractà en sia chanzun “Toy” la debatta Me-Too. Michael Schulte ha elavurà en sia chanzun “You Never Let Me Walk Alone” la mort da ses bab.
La selecziun da las chanzuns e dals artists succeda sur plirs stgalims e pliras etappas tras in panel d’aspectaturs da 100 persunas ed ina giuria internaziunala da 20 persunas.
Tut ils candidats vegnan infurmads fin la fin dal 2019 davart il resultat da la procedura da tscherna. Tut las chanzuns che na sa qualifitgeschan betg na vegnan betg publitgaadas da la SRG SSR.
